اسلام آباد۔17مارچ (اے پی پی)وزیراعظم عمران خان د اسلام آباد سکیورټی ډائیلاګ كنفرنس پرانستې سېشن كښې د خپل نوعيت اولني پالیسي اېډوائزری پورټل پرانسته كړې ۔ دا پورتل د 100 نه د زياتو تھنګ ټېنكس ٬ دانشورانو او كارپوهانو د پالېسۍ جوړولو په عمل كښې شاملولو له نېشنل سکیورټی ډویژن جوړ كړے۔ د اېډوائزري پورټل پرانستې سره وزيراعظم عمران خان د دې اقدام ستائنه كړې ۔وزيراعظم ووئيل د پاكستان زلمي زيات صلاحيت لرونكي دي خو د هغوي قدر نه كېږي۔ هغه ووئيل د پورټل جوړېدل په سم لوري پورته كړے شوے ګام دے۔ اېډوائزری پورټل يو خصوصي او پېوست پلېټ فارم دے چې ورسره د قامي سلامتيا په موضوع كار كوؤنكي تھنك ټېنكس او پوهنتونونه د پالېسۍ په اړه خپلې سپارښتنې نېغ په نېغه مشرتابه ته رسولې شي۔ د وزیراعظم د قامي سلامتيا ډويژن او سټرېټېجک پالیسي پلاننګ صلاحكار ډاکټر معید یوسف ووئيل د پورټل جوړولو مقصد د دانشورانو او پالېسۍ جوړونكو ترمينځه فرق ختمول دي۔ اسلام آباد سکیورټی ډائیلاګ دوه ورځې نړيوال كنفرنس دے۔ نن د زيارت په ورځ به د دوېمې ورځې پرانستې سېشن ته د پاك پوځ سرلښكر جنرل قمر جاوېد باجوه خطاب كوي۔ د اسلام آباد سکیورټی ډائیلاګ په زياتره ورچوئل غونډه كښې به ملكي او سيمه ايز پوهان ٬ ميډيا او نور چارواكي ګډون كوي۔ د اسلام آباد سکیورټی ډائیلاګ بنيادي سرخط بشپړه سکیورټی فریم ورک مرتب كول دي چې ورسره به هېواد د نړيوال او سيمه ايز پرمختګ محور جوړېدو له د خپلو مخفي صلاحيتونو نه استفاده كولې شي
وزيراعظم عمران خان د قامي سلامتيا په اړه د اولني پالېسي اېډوائزري پورتل پرانسته وكړه
مضمون کا ماخذ : لاٹری کی پیشگوئی
متعلقہ مضامین
