اسلام آباد 02 جنوري (اے پي پي) پاکستان په آزاد کشمير كښې په اېل او سي د ”پيشګي بريد” په اړه د هندي آرمي چېف لېفټننټ جنرال منوج مكهنډ غېر ذمه واره بيان رد كولو سره واضح كړې بايد هند په بالا کوټ كښې د مهم جوئۍ په اړه د پاكستان ځوابي كاروائي هېره نه كړي٬ پاکستان د هر ډول هندي جارحيت ځواب وركولو لپاره په بشپړه توګه چمتو ولاړ دے٬ د هند د راپاروٶنكو كاروائيو باوجود٬ پاكستان به په منطقه او ګرده نړۍ كښې امن ٬ سلامتيا استحکام لپاره خپل كردار لوبوي۔ د زيارت په ورځ د اوونيز بريفنګ په مهال د خارجه دفتر وياندې عائشه فاروقي ووئيل په كال 2019 كښې د پاكستان خارجه پاليسي كاميابه وه٬ چين٬ تركيه ٬ سعودي او د امريکې پشمول بهرنۍ نړۍ سره اړيكې ښې كړې شوي ٬ وزيراعظم عمران خان د اګست د 5مې نيټې كال 2019 د غېر قانوني هندي اقداماتو نه پس ګرده نړۍ كښې د هند د هندوتوا پاليسي بې نقابه كړې او د كشمير مسئله ئې د ملګرو ملتونو پشمول په نړيواله كچه په بشپړه توګه رامخې ته كړې ۔دې ووئېل مونږ په نړۍ كښې زيات پرمختيائي شراكتدار لرو٬ د امريکې او طالبانو په مذاكراتو كښې به پاكستان د سهولت كارۍ كردار لوبوي۔ دې ووئيل د نوي كال په وړومبني بريفنګ ټولو ته مباركي وركوم او هيله لرم چې نوې كال به ټولو لپاره د بهترۍ زېرې راوړي۔ وياندې ووئيل تېر كال زمونږ خارجه پاليسي كاميابه وه چې پكښې چين ٬ تركيه او سعودي عرب سره اړيكې ښې شوې او امريكې سره ستراتېژك اړيكې هم ښې شوې٬ دغسې د ماليزيا او افغانستان اولس مشران ٬ د برتانيې شاهي جوړۍ ٬ د سعودي عرب ٬ د يو اے اي ولي عهد پاكستان ته رغلي ٬ تېر كال پاكستان په نومبر كښې د كرتار پور راهداري هم پرانسته كړې وه۔ دې ووئيل د 5م اګست د هند د غېر قانوني اقدام نه پس خارجه وزير او وزيراعظم ګرده نړۍ كښې د هند هندوتوا پاليسي بې نقابه كړې٬ وزيراعظم د ملګرو ملتونو په عمومي اسمبلۍ كښې د كشمير مسئله پورته كړې او خارجه وزير د ملګرو ملتونو عمومي سېكتر ته اووه چيټۍ لېكلې دي۔ دې ووئيل او آئي سي د كشمير د مسئلې بشپړه ملاتړ كولو سره د 5م اګست نه پس د او آئي سي دوه غونډې كړې ٬ د کشمير پحقله د او آئي سي د خارجه وزيرانو په غونډه كار روان دے كومه چې به په اپرېل كښې پاكستان كښې كېږي۔ دې ووئيل د 5 اګست د هند د غېر قانوني او يو اړخيزه اقداماتو نه پس د كشميريانو ستونزې رامخې ته كړې شوې ٬ په هند كښې د هندوتوا نظريه د نړۍ په وړاندې بې نقابه كړې شوې۔ دې ووئېل نړيواله ورورولې د هندوتوا له امله د منطقې امن او سلامتيا ته د رامخې شوې خطرو نه خبر كړې شوې ۔ وياندې ووئيل د تېر كال ستمبر كښې او آئی سی کانټکټ ګروپ د كشمير په اړه شريكه اعلاميه جاري كړې ۔ په امريكائي ايوان كښې د دوو قراردادونو مسودې وړاندې كړې شوې۔ عائشه فاروقی ووئيل نن په جمو وكشمير كښې انساني الميه 151 مه ورځة ته رسېدلې ۔ پاكستان كشمير كښې د انټرنېټ پرانستې ٬ محاصرې پورته كولو ٬ د ځوانانو د خوشې كولو او د سول سوسائټي غړو پرېښودو غوښتنه كوي۔ دې ووئيل د پاكستاني حكومت په هدايت يو خاص الوتكه ملائشيا كښې د ګېرو شوو پاكستانيانو هېواد ته راوستلو له روانه كړې شوې۔ د پاک چین تجارت دوهم پړاؤ تېره ورځ فعال كړې شوې ۔ دې ووئيل امریکا – طالبان خبرو اترو كښې پاكستان د سهولت كارۍ كردار ترسره كوي۔ ټوله نړۍ كښې زمونږ ګڼ شمېر پرمختيائي همكاران شته۔ دې ووئيل تېره ورځ كابل كښې د يو پاكستاني د تښتونې معامله كابل سره پورته كړې شوې ۔ دې ووئيل هر كال د جنورۍ په اولنۍ نېټه د پاكستان او هند ترمينځھ د بنديوانو فهرستونه يو بل ته سپارلې شي۔ د دغې فهرستونو له مخې 267
پاکستان په آزاد کشمير كښې په اېل او سي د ”پيشګي بريد” په اړه د هندي سر لښكر غېر ذمه وار بيان رد كړو
مضمون کا ماخذ : سپر اسپنر
متعلقہ مضامین
