اسلام آباد 18 جنوري (اے پي پي) په ملګرو ملتونو كښې د پاكستان دائمي استازي منير اكرم وئيلي دي چې د ملګرو ملتونو د سلامتي كونسل د اوسنې غونډې په نتيجه كښې به جارحانه اقداماتو كښې كمي لپاره په هند فشار زيات شي. يو نجي ټي وي چېنل سره په خبرو كښې ده ووئيل چې د كشمير په اړه د ملګرو ملتونو د سلامتي كونسل غونډې سره هند ته دا پېغام وركړے شوے چې هغه دې په منطقه كښې د داسې جارحانه اقداماتو نه ډډه وكړي. ده ووئيل چې د كشمير په اړه د ملګرو ملتونو 50 كاله پخوانې قرارداد اوس هم نه دې عملي كړې شوې. د كشمير كورنۍ معاملې په اړه د هند ادعا رد كولو سره ده ووئيل چې د سلامتي كونسل اوسنې غونډه د پاكستان لويه سفارتي بريا ده.
مضمون کا ماخذ : اولمپس کے خدا
