اسلام آباد 01 فروري (اے پي پي) پاکستان د اسرائيلي ځواكونو لخوا د غزه په اولس په روان ظلم او جبر اندېښنه څرګندولو سره په جنېن كښې په ابن سېنا روغتون د بريد په سختو ټكو غندنه كړې ۔ د خارجه دفتر وېاندې ممتاز زهره بلوچ د زيارت په ورځ د اوونيز بريفنګ په مهال ووئيل دا پېښه د روغتونونو په ضد د غېر انساني جنګ په لړ كښې تازه پېښه ده كومه چې د جنګي جرمونو په زمره كښې راځي۔ وياندې ووئيل دا ظلمونه د غزه اولس تحفظ لپاره د انصاف نړيوال عدالت لخوا د عارضي اقداماتو د روح په ضد دي۔ وياندې ووئيل په غزه كښې روان جنګ او ستونزو كښې په مېنځني ختيز كښې د فلسطين كډوالو لپاره د ملګرو ملتونو د ريليف اينډ ورکس اېجنسي (يو اېن آر ډبليو اے) لپاره د فنډز معطلي هم د انصاف د نړيوال عدالت د اقداماتو خلاف وزي ده چې پكښې د ضروري خدمات او انساني مرستې وركولو غوښتنه شوې ۔ وياندې ووئيل مونږ په غزه كښې فلسطينيانو ته د ورمخې ته ستونزمندو حالاتو مخنيوي لپاره يو اېن آر ډبليو اے ته د معطل كړے شوي فنډنګ په پرېكړه په نظرثانۍ كولو زور رواړو كوم چې د فلسطين اولس تحفظ او ملاتړ كښې مهم كردار لري۔ دې ووئيل پاكستان د ملګرو ملتونو د چارټر، اړوندو قراردادونو او د نړيوال قانون له مخې د فلسطيني اولس د بشري حقونو ٬ وقار او پېژندګلې په ځائ ساتلو لپاره د انصاف نړيوال عدالت په عارضي پرېكړه د بشپړ عملدرآمد هم غوښتنه كوي٬ دې ووئېل د عارضي اقدامات نفاذ لپاره د غزه اولس ته د ورمخې ته مسئلو خاتمې لپاره په سمدستي توګه او غېر مشروط جنګ بندۍ ته اړتيا ده، دې لپاره د ملګرو ملتونو سلامتي كونسل ته د جنګ بندۍ نافذ او د غزه اولس د روانو ظلمونو نه ساتلو لپاره خپل لازمي كردار لوبول پكار دي۔
پاکستان د اسرائيلي ځواكونو لخوا د غزه په اولس په روان ظلم او جبر اندېښنه څرګنده كړه
مضمون کا ماخذ : aplicativos de apostas loteria
متعلقہ مضامین
