اسلام آباد 14دسمبر(اے پی پی)خارجه وزير شاه محمود قرېشي وئېلي دي د كشمير شخړې حل كولو نه غېر سوئېلي آسيا كښې عدم استحكام نشي ختمېدے٬پاكستان د جيو پاليټېكس څخه جيو اكنامكس پلو روان دے٬ملګري ملتونه او نړيواله ورورولي دې هند څخه ځواب وغواړي٬د روس مونږ سره اړيكې قوي شوي٬امريكې سره اړيكو ته د قدر په سترګه ګورو ٬په افغانستان كښې د ټول شموله حكومت مرستيال يو۔د دې خيالاتو څرګندونه ده د نهې په ورځ په بدله شوې جيو پوليټيكل منظرنامه كښې د سباؤن خارجه پالېسۍ مسئلو په سرخط مارګله ډائيلاګ فورم 2021″ته وېنا كوله۔خارجه وزير ووئيل د نړيوالو طاقتونو ترمينځه ستراتېژېكي مقابلې د نړيوال امن نزاكتونه زيات كړي او سفارتكاري يې يو داسې پلو روانه كړې د كومې په اړه چې په حتمي توګه څه وئېل مشكل شوي۔ ده ووئېل په اوسني دور كښې خارجه پالېسي او جيو پاليټيكس زياتره جيو اكنامكس سره تړلے شوي۔ده ووئيل پاكستان د جيو پاليټيكس څخه جيو اكنامكس پلو روان دے چې له امله يې د معاشي سفارتكارۍ اهميت زيات شوے۔خارجه وزير ووئيل د جيو اكنامكس په پام لرنه ګټه ترلاسه كېږي٬په دسمبر 2019 كښې د افريقې سره رابطې(انګېج افريقه)كنفرنس نه پس د افريقې سره زمونږ تجارت 7 فيصده زيات شوے٬ ده ووئيل په دې كښې هېڅ شك نشته چې كورونا نړيوالې وبا ډيجيټل ډپلوميسي زياته كړې۔سفارتكاري اوس يوازې د قيادت ترمينځه ټېليفوني كالز يا د رياستي دورو تر حد محدود نه ده پاتې۔ټېكنالوجي د دې څخه وړاندې داسې د پريكړې وړ كردار نه ؤ ترسره كړے ۔ ده ووئېل نن د سوچ او فكر جنګونه په ټوېټر كېږي٬نن د سفارتكارۍ ښه ځاے آن لائن دے چرته چې په لږو وسائلو خرڅ كولو سره په كم وخت كښې ښې نتيجې ترلاسه كېږي۔خارجه وزير ووئيل د بېلټ اينډ روډ انيشيټو ترمخه معاشي جغرافيه او د افريقې درېو براعظمونو يو بل سره به تړلو د پاتې نړۍ وګړو له د خوشحالۍ نوے دور پرانځي۔خارجه وزير ووئيل مونږ د امريكې سره اړيكو ته د قدر په سترګه ګورو٬د سباؤن تر مخه مونږ د امريكې سره لنډ مهاله اړيكې نه غواړو٬مونږ ګڼ اړخيزه اړيكې غواړو٬ ده ووئېل د وزيراعظم عمران خان وژن په رڼا كښې جيو پاليټيكس څخه جيو اكنامك پلو بدلون سره مونږ د امريكې سره داسې اړيكې غواړو كومې چې زمونږ د بدلو شوو ترجيحاتو سره همغږي ولري۔ده ووئيل روس سره زمونږ د سفارتي رسنې سره نه يوازې اړيكې قوي شوې بلكې د سلامتيا او معاشي څانګو اړيكو يو نوے ژوند راپېدا كولو سره نوې دروازے پرانستلې شوي ۔ده ووئيل ملګرو ملتونو خبردارے وركړے چې د افغانستان 3 كروړه 80 لكه وګړو كښې 60 فيصده د لوږۍ او قحط سره مخ دي٬انساني بحران دے او خلق د يو سخت صورتحال سره مخ دي چې په نتيجه كښې يې نه يوازې د افغانستان اولس بلكې ګاونډي هېوادونه هم ځپلې كېدې شي۔ده ووئيل د پاكستان د او آئي سي خارجه وزيرانو كونسل د افغانستان په اړه غېر معمولي غونډې كوربتوب كول د قائدانه كردار له مخې دے كوم چې پاكستان په سيمه كښې ترسره كړے۔خارجه وزير ووئيل مونږ په افغانستان كښې د ټژل شموله حكومت جوړولو مرستيال يو۔افغان حكومت خپلو ټولو ګاونډيانو له باور وركړے چې د افغانستان خاوره به د ترهه كرۍ لپاره ونه كارولې شي۔خارجه وزير ووئيل د هند په اړه د خبرې كولو نه غېر د خارجه مسئلو په اړه خبره بشپړه نه ده۔امن او جيو اكنامك قوي كولو لپاره د پاكستان هڅې يو اړخيزه نشي كېدې٬زمونږ ختيز ګاونډي د هر ډول خبرو اترو لپاره دروازې بندې ساتلي٬ د دې څخه زيات به نور څه وي چې په غېر قانوني قبضه كړي مقبوضه جمو وكشمير كښې په كشميريانو سخت ظلم روان دے٬په غېر قانوني توګه قبضه كړي جمو او كشمير كښې د نوې ډېلي اقدامات په كشمير كښې د هند وكيلانو او غېر ملكي ملګرو لپاره هم الميه ده۔هند له به په دې ځان پوهه كول وي چې د كشمير شخړې حل كولو نه غېر سوئېلي آسيا كښې مستقل امن او استحكام نشي راتللے او امن او څوكالي به يو لوي چېلنج وي
د كشمير شخړې حل كولو نه غېر سوئېلي آسيا كښې عدم استحكام نشي ختمېدے٬پاكستان د جيو پاليټېكس څخه جيو اكنامكس پلو روان دے۔ پاكستان په افغانستان كښې د ټولشموله حكومت مرستيال دے ٬ د خارجه وزير شاه محمود قرېشي مارګله ډائيلاګ فورم 2021″ ته وېنا
مضمون کا ماخذ : فروٹ شاپ
متعلقہ مضامین
