اسلام آباد۔4اپرېل(اے پی پی) داخله وزير رانا ثناﺀ الله وئيلي دي چې د چا په ضد رېفرنس دائر كول د هر وګړي حق دے ٬ دا غېر قانوني يا په عدالت بريد كول نه دي٬ كله چې حالات رامخې ته شي نو په آئين كښې د اېمرجنسي آرټيكل موجود دے٬ په دوه صوبو كښې وړاندې ټول ټاكنې كولو سره به اړې ګړې رامخې ته شي۔ ده د نهې په ورځ سپريم كورټ څخه بهر د پرېكړې راتللو څخه وړاندې ميډيا سره خبرې كولې۔ د قانون او انصاف وزير سېنېټر اعظم تارړ هم په دې موقعه موجود وو۔ وفاقي وزير رانا ثناﺀ الله ووئيل څلورو ججانو دا سوموټو نوټس مسترد كړے دے٬ د ټاكنو پرېكړه دې د فل كورټ د لارې وكړې شي٬ يوازې انصاف كېدل نه بلكې د دې كېدل دې په نظر راشي٬ له هر اړخ څخه د فل كورټ غوښتنه كېږي نو د دې په منلو كښې څه حرج دے۔ ده ووئيل كه حالات دې پلو لاړل نو حكومت د اېمرجسني آپشن لري۔ آئين كښې آرټيكل شته چرته تلې نه دې۔ ده ووئيل په دوه صوبو كښې وړاندې ټول ټاكنې كولو سره به اړې ګړې رامخې ته شي۔ ده ووئيل د عدالت عظمی په پرېكړو كښې بايد انصاف په نظر راشي۔ ده ووئيل پي ټي آئي هم په فل بنچ اعتراض نه لري۔ ده ووئيل د چا په ضد رېفرنس جمع كولو د هر وګړي حق دے ٬ دا غېر قانوني يا په عدالت بريد نه دے۔
د چا په ضد ريفرنس جمع كول د هر وګړي حق دے٬ دا غير قانوني يا په عدالت بريد نه دے٬ داخله وزير رانا ثناﺀ الله
مضمون کا ماخذ : اسکریچ کارڈ جیتنے کے طریقے
متعلقہ مضامین
