اسلا?? آباد۔13دسمبر (اے پی پی) وزیراعظم محمد شہباز شریف دا پاکستان -تاجکستان جوائنٹ کمیشن دے اجلاس اچ ݙوہیں ??لک??ں وچال مختلف شع??یاں اچ تعاون تے پیشرفت تے اطمینان کریندیں ہوئیں ݙوہیں ??لک??ں وچال رابطے ٻئے بہتر ٻݨاوݨ اتے تعاون ودھاوݨ تے زور ݙتا۔ وزیراعظم آفس دے پریس ونگ توں جاری بیان موجب وزیراعظم محمد شہباز شریف نال تاجکستان دے وزیر برائے توانائی دلیر جمعہ، جیڑھے جو پاکستان -تاجکستان جوائنٹ کمیشن اچ شرکت کیتے پاکستان دے دورے تے ہن جمعے کوں ملاقات کیتی۔ وزیراعظم انہاں کوں پاکستان اچ خوش آمدید آکھدیں ہوئیں پاکستان -تاجکستان جوائنٹ کمیشن دے اجلاس اچ ݙوہیں ??لک??ں وچال مختلف شع??یاں اچ پیشرفت تے اطمینان کیتا۔ آپݨے دورہ تاجکستان اتے تاجک صدر امام علی رحمان نال ریاض اتے باکو اچ آپݨی اڄوکی ملاقاتاں دا ذکر کریندیں ہوئیں وزیراعظم تاجک صدر کیتے نیک خواہشات دا اظہار کیتا اتے امید کیتی جو تاجکستان دے صدر جلدی پاکستان دا دورہ کریسن۔ تاجکستان دے وزیر پاکستان اچ استقبال اتے مزمان نوازی تے وزیراعظم دا شکریہ ادا کیتا۔ ملاقات اچ کاسا-1000 سودھے علاقائی رابطے دے ٻئے منصوبیاں تے وی بحث کیتی ڳئی۔ فریقین مواصلات خصوصی طور زمینی رابطے، ، توانائی ، تعلیم، زراعت دے شع??یاں اچ تعاون کوں ودھاوݨ تے اتفاق کیتا۔ ملاقات اچ نائب وزیراعظم و وزیر خارجہ اسحاق ڈار ، وف??قی وزیر سرمایہ کاری تے مواصلات عبدالعلیم خان، وف??قی وزیر اقتصادی امور احد خان چیمہ، وف??قی وزیر توانائی اویس احمد لغاری ، وف??قی وزیر پٹرولیم ڈاکٹر مصدق ملک ،وزیراعظم دے معاون خصوصی طارق فاطمی اتے متعلقہ اعلیٰ سرکاری افسر موجود ہن۔
وزیراعظم محمد شہباز شریف دا پاکستان -تاجکستان جوائنٹ کمیشن دے اجلاس اچ ݙوہیں ملکاں وچال مختلف شعبیاں اچ تعاون تے پیشرفت تے اطمینان
مضمون کا ماخذ : راکی
متعلقہ مضامین
