اسلام آباد۔8جنوری(اے پی پی)ڈی آئی جی اسلام آباد سید علی رضا کھلی کچہری اچ ایسوسی ایٹڈ پریس آف پاکستان (اے پی پی) دے منیجنگ ڈائریکٹر کوں دھمکیاں ݙیوݨ آلے ملزمان دے خلاف شکایت تے فوری کارروائی دی یقین دہانی کرائی اے۔ اے کھلی کچہری عوامی مسائل دے حل کیتے صدر، سٹی اتے دیہی زونز اچ تھئی۔ پولیس ترجما?? ’???اے پی پی ‘‘کوں ݙسائے جو کھلی کچہری اچ چیف ٹریفک آفیسر (سی ٹی او) سرفراز ورک ،ایس پیز اتے ایس ایچ اوز شرکت کیتی۔ شہریاں کھلی کچہری اچ شکایات پیش کیتن ڄیکوں موقع تے حل کرݨ دی ہدایت کیتی ڳئی۔ کھلی کچہری اچ اے پی پی دے ڈائریکٹر کرائم اینڈ کورٹس رشید ملک انفارمیشن گروپ د?? گریڈ 20 دے آفیسر ایم ڈی اے پی پی محمد عاصم کھچی کوں دھمکی ݙیوݨ آلے ملزم دے خلاف قانونی کارروائی اچ دیر تے چنتا کیتے۔ انہاں آکھیے جو ہک مہینے بعد وی کوئی قانونی کارروائی نئیں کیتی گئی، ڄیکر دارالحکومت اچ ہک سینئر سول سروس آفیسر محفوظ ن??یں تاں ول عام شہریاں دی حفاظت دا کیا تھیسی؟ ڈی آئی جی سید علی رضا صحافیوں دے تحفظات تے فوری کارروائی دا یقین ݙوویندے ݙو ڳھنٹے اچ مقدمہ درج کرݨ دی دہایت کیتی اتے آکھیے جو انصاف اچ تاخیر برداشت نہ کیتی ویسی اتے ایںڄھے سنگین مسائل حل کرݨ دے فوری اقدامات کیتے ویسن۔ ڈی آئی جی علی رضا شہریاں کوں پولیس سٹیشنز اچ مسائل دی رپورٹ کرݨ دا آکھیا اتے محکمے اچ بدعنوانی مکاوݨ اتے سخت کارروائی دا اپݨا عزم دوہرایا۔ انہاں آکھیا جو پولیس دفاتر شہریاں کیتے 24 ڳھنٹے کھلے ہین، عوام دی خدمت پولیس دا فرض ا?? جیندے اچ کوئی کوتاہی برداشت نا کیتی ویسی۔
