اسلام آباد 06 جون (اے پي پي)د كورنيو چارو وفاقي وزير رانا ثناﺀ الله وئېلي دي عمران خان په ټول هېواد كښې اړے ګړے٬په قام كښې د نفرت پېدا كولو ٬د ځوانانو نسل ګمراه كولو هڅه كوي۔ده دا خبره د ګل په ورځ نجي ټي وي چينل سره په خبرو كښې كړې۔ده ووئيل عمران خان په اسلام آباد د يو لوي لښكر سره راختلے دے٬په ټول هېواد كښې د اړي ګړي او لاقانونيت كمپائن چلوي۔ده وئيل څنګه يې د اسلام آباد بندولو منصوبه بندي كړې وه ٬په هېواد كښې ئې اړے ګړے خپور كړے او د حكومت ختمولو سازش ئې كړے ٬ مونږ سره ټول ثبوتونه موجود دي۔ده ووئيل د عمران خان په ضد مختلف مقدمات درج دي او يوه مقدمه د كومې لپاره چې مونږ د كابينې څخه اجازه غوښتې د هغې په حقائقو او ثبوت كښې هېڅ شك نشته۔ده ووئيل عمران خان د عدالت څخه ضمانت اغستے ٬عدالت كه د هغه ضمانت خارج كړو نو هغه به ضرور ګرفتارولے شي۔
مضمون کا ماخذ : کڑک
