اسلام آباد۔22دسمبر (اے پ?? پی):محکمہ موسمیات آکھیے جو آندے چووی گھنٹے ملک دے ٻہوں سارے علاقیں اچ موسم رکھا تے ٹھڈا رہݨ دا امکان اے ڄݙاں جو اتلے علاقیں تے شمالی بلوچستان اچ ودھ سارا پالا پوسی ۔ایں ویلھے پنجاب دے میدانی علاقیں تے اتلے سندھ اچ سویلے تے رات کوں کوہیڑ پو??ݨ دا امکان اے ۔گزریل 24 گھنٹے ملک دے ودھ سارے میدانی علاقیں اچ موسم ٹھڈا تے رکھا رہیا جݙاں جو شمالی بلوچستان ، شمالی علاقہ جات، کشمیر اتے اتلے خیبر پختو نخوا اچ ودھ سارا پالا پیا تاں جو گلگت بلتستان تے اتلے خیبر پختو نخوا اچ کجھ جہیں تے ہلکا مینھ وٹھا تے برف پئی۔ ایں ویلھے ساریں توں ودھ مینھ استور اچ 9 ملی میٹر، بگ??وٹ 6، دروش 3، چلاس 2، گلگت ہک، پٹن4 اتے میر کھانی اچ 2 ملی میٹر مینھ ریکارڈ کیتا ڳئے ۔ایندے توں علاو?? استور اچ 5 انچ اتے بگ??وٹ اچ 2 انچ برف باری وی ریکارڈ کیتی ڳی ۔ منگل کوں ریکارڈ کیتے ڳے گھٹ توں گھٹ درجہ حرارت دی رپورٹ موجب گوپس اچ درجہ حرارت منفی 10، استور، کالام منفی 7، پاراچنار، اسکردو، منفی 6، کوئٹہ، قلات منفی4 اتے دیر اچ منفی 3 ڈگری سینٹی گریڈ ریکارڈ کیتا ڳے ۔
