اسلام آباد 17 اپریل (اے پی پی) نیشنل کمانډ اینډ آپریشن سنټر ټول هيواد كښې د کورونا وائرس تازہ شميرې جاري كړې۔ سنټر څخه د جمعې په ورځ جاري شوې شميرې له مخې ټول هيواد كښې د کورونا وائرس کیسونو شميره 7 زره څخه زياته شوې او د مصدقه کیسونو شميره 7025 ته رسيدلې ده۔ کمانډ اینډ آپریشن سنټر له مخې په پنجاب كښې د کورونا وائرس کیسونو شميره تر ټولو زياته 3276 ته رسيدلې ، سندھ كښې 2008 د کورونا وائرس کیسونه راپور شوي، دغسې خیبر پښتونخوا كښې شميره 993 او اسلام آباد كښې 154 ته رسيدلې ۔ بلوچستان كښې 303 ګلګت بلتستان كښې 244 کیسونه راپور شوي ۔ آزاد کشمیر كښې د کورونا وائرس کیسونو شميره 46 ته رسيدلې ۔د تيرو 24 ساعتو په مهال د کورونا وائرس 11 رنځوران مړه شوي۔ کورونا وائرس له امله تر اوسه د مړو شميره 135 ته رسيدلې ۔ سندھ كښې 45، پنجاب كښې 36، کے پی کے كښې 45 رنځوران مړه شوي۔ ګلګت بلتستان كښې 3 او بلوچستان كښې 5 كسان مړه شوي۔ وفاقی پايه تخت كښې د كورونا وائرس له امله يو كس مړ شوے ۔ پاکستان كښې د کورونا 44 رنځورانو حالت اندېښمن دے۔ دغسې پاکستان كښې د کورونا نور 120 رنځوران هم ښه شوي دي۔ دغسې د کورونا وائرس له امله د ښو شوو رنځورانو شميره 1765 ته رسيدلې ۔ تر اوسه د کورونا وائرس 84704 ټیسټونه شوي۔ پاکستان كښې د کورونا وائرس 41 فیصده کیسونه نورو هيوادونو څخه راغلې او 59 فیصده کیسونه په ځائې توګه خپاره شوي۔ کمانډ سینټر له مخې هيواد كښې د کورونا وائرس ټیسټ عمل تند كړے شوے چې ترمخه ئې د تيرو 24 ساعتو په مهال د 6264 كسانو ټسټونه شوي او 24 ساعتو په مهال 497 نوي كيسونه راپور شوي
ټول هيواد كښې د کورونا وائرس کیسونو شميره 7025 ته ورسيده
مضمون کا ماخذ : ہاٹ اسپن
متعلقہ مضامین
